الأحد التاسع بعد العنصرة  – 14 تمُّوز 2013 السنـة الثانيَّـة عشـرة – العـدد 596

نَشــرة رَعويَّــة أُسبوعيَّـة تصـدرُ عن  رَعيَّــة مار يُوحنَّـا المَعمَــدان – عبريــن

للمراسـلات: الخـوري يُوحنَّـا - مـارون مفـرّج 999247/03

Website: ebreenparish.50webs.com -Facebook: Ebreen Parish

Emails: mailto:paroissestjeanbaptiste@hotmail.com  - mailto:pjeanmaroun@hotmail.com

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

من كلمات  مار شربل في عيده ...

       بس تغلّط قول غلّطت. قرّ بغلطتك، إعترف فيها، وصلّح قد ما بتقدر. الغلط اللي بتعترف فيه وبتصلّحو بيكبّرك ما بيصغّرك. صلّح اللي بتقدر تصلّحو والباقي بس تعترف فيه لألله هو بيصلّح اللي إنت ما فيك عليه وبيعوّض اللي إنت ما فيك تعوّضو...

      وما تبرّر غلطك بنيّاتك السليمة: نيّاتك السليمة ما بتكفي تا توصل عا السما، لازم تكون أعمالك سليمة مثل نيّاتك.  المهمّ ثمار أعمالك ونتايج أقوالك مش سلامة نيّاتك. النيّة السليمة هي حجّة الجاهل. والجهل مثل النوم: ما بتعرف إنّك كنت فيه إلاّ لمّا بتطلع منّو. وعّي النايمين، بس لمّا بيوعوا رح يعرفوا إنّهم كانوا نايمين.

    ما تحكي مع النايم، مش رح يسمعك، وعّيه وإحكي معو  لمّا ارتفع يسوع سقط الشيطان. المعمشق فيه من البشر رايح معو، واللي واقف بدربو معرّض يوقع.

     لا تتعمشق فيه ولا توقف بدربو كلّ همّو يزوّر صورة الله بذهنك وبقلبك ويزوّر صورتك بنظركبدّو ياك تعرف الله غلط وتشوف حالك غلط. بيزوّر وبيشوّه وبيخدع: بيجرّب يكبّرك وقت اللي لازم تصغر ويصغرك وقت اللي لازم تكبر .بيجرّب يوقّفك وقت اللي لازم تمشي، ويمشّيك وقت اللي لازم توقف. تحكي وقت اللي لازم تسكت وتسكت وقت اللي لازم تحكي.

    بكلّ الحالات بدّو يخدعك. بيحاول يقنعك تسرع وقت اللي لازم تبطئ وتمشي ببطء وقت اللي لازم تسرع.

  الشيطان هو المخادع الأكبر، المزوّر الأعظم غشّاش خبيث ،، بالكذّاب وأبو الكذب نعتو الربّ المعلّم.

      ولا مرّة الشيطان بيجي بصورتو الحقيقيّة، أبدا ما بيجي بصورة بشعة، هو  بيعرف الإنسان شو بيحبّ ولشو بينجذب وبيجي بيلّي بيحبّو كلّ إنسان وبينجذب إلو: بيحكيك إشيا بتحبّ تسمعا وبيفرجيك إشيا بتحبّ تشوفها، بيعطيك إشيا بتحبّ تلمسها، وبيطعميك إشيا بتحبّ تدوقه  لمّا يزوّروا المخادعين الذهب بيزوّروا بشي بيشبهو أصفر وبيلمع، وكذلك تا الشيطان .

      يزوّر صورة الله المحبّة بحياتك بدّو يستعمل الإشيا اللي بيسمّوها البشر.احاسيس الغريزة ومشاعر العاطفة وروابط التعلّق والعادات المستعبدة وبيخلطها مع الله المحبّة.

كلّ همّ الشيطان يعرقل اللي ماشيين طلوع صوب الربّ.

    وعلى طريقك صوب الربّ الشيطان بدّو:

1-     أو يزيحك عن الطريق يخلقلك هدف تنجذب إلو وتتوجّه صوبو تا تشرد وتضيع.

2-     أو يوقّعك تا توقف: بينصبلك فخّ تا توقع فيه.

3-     أو يرجعك لورا: بيتعبّك وبيأّسك تا تتراجع وترجع. المهمّ عندو إنّك ما توصل كلّ شي بيجمع وبيوحّد عالخير بيكون من عند الله، وكلّ شي بيقسّم وبيفرّق بيكون من عند الشيطان.

        الشيطان بيتسلّط عالإنسان بواسطة أمور هالدني، كلّ ما الإنسان بيتخلّص منها كلّ ما يتحصّن ضدّ الشرّير وكلّ ما يتعلّق فيها بيكون تحت سلطان الشرّ. الشيطان سيّد هالعالم. كلّ ما تغرق بالعالم كلّ ما تكون تحت سلطانو وكلّ ما تتحرّر من العالم كلّ ما           تتحرّر منّو، ما تنسو إنكن إنتو مش من هالعالم، ما تغرقو فيه اعبرو فيه، إرتفعوا عنه، وارفعوه للربّ بقوّة المسيح المرتفع عا الصليب.

     الشيطان بيضحّك الإنسان بالأوّل، تا يبكّيه بالآخر ودايما بياخد الإنسان على جهنّم هو والإنسان عم يضحك، ولكن هونيك البكاء. الإنسان اللي عم يضحك هلّق مع الشيطان، حتما رح يبكي بالآخر. الله يمكن يبكّيك بالأوّل، لكن مع الله دايما بتضحك بالآخر.

      دايما الله بيبكّيك تا يأدّبك، بيجي الشيطان تا يضحّكك ويبعّدك عنّو، ولمّا الله بيضحّكك، بيجي الشيطان تا يبكّيك، ما تخلّيه يخدعك.الشيطان بيكره صورة الله وبيكره الإنسان اللي عم ياخد صورة الله وبدّو يشوّه هالصورة اللي فيه.

     الطريقة الوحيدة تا يشوّه إبليس صورة الله بالإنسان هي إنّو يوقّف عمل روح الله اللي فيه ساعتها الصورة الوحيدة اللي بتبقى بهالإنسان هي صورة الحيوان. رغبة الشيطان إنّو يعطي للإنسان صورة الحيوان.

     السلاح الأساسي الأوّل ضدّ الشيطان هو الصدق. كلّ كلمة صدق بتقولها هي سهم بترميه بقلب الشرّير.

    وكلّ إعتراف صادق بالخطيّة هو رمح بتخرق فيه قلبو والسلاح الأساسي الثاني هو التواضع.

     الصدق والتواضع يعني الإعتراف.

   اعترف بخطاياك بتقتل الشرّ اللي فيك كلّ همّ الشيطان إنّو يلهيك عن الله.

   انتبه ! بيحاول يلهيك عن الله حتّى بأمور الله: بيلهيك عن معنى الكلمة اللي عم تصلّيها بالكلمة ذاتها. يلهيك عن تسبيح الربّ بلحن النشيد اللي بتسبحو فيه.

بيلهيك عن الله بالصلا يللي عم بتصلّيلو ياها.

    تذكّر منيح إنّو ما فيك توقف بوجه الشيطان إذا ما فيك تركع قدّام الله. الشيطان ما بيجي من الشبابيك والطوق اللي سهران عليها ومسكّرها منيح.

 الشيطان بيجي من الباب اللي فاتحو تا تستقبل منّو. 

'' العمادات: إيلي منصـور صليـبا منصـور                        (20 تمُّوز 2013)

               شربـل خليـل ابراهيـم خليـل                            (20 تمُّوز 2013)

i تدعوكم «لجنة الشبيبة في أبرشية البترون» إلى لقاء في كفرحي يومي السبت 27 والأحد 28 تموز 2013. للإستعلام والتسجيل: 836 536 /03– 027 723 /03

 ®تنظِّم «أخويَّة طلائع العذراء» مخيمها الصيفي  في «دير ام الله – عجلتون» من الاحد ٢٨ تموز الى السبت ٣ اب 2013.  (الانطلاق: الاحد ٢٨  تموز 8.00 صباحاً).             

            * كلفة المخيم:65000 ل.ل. للطلائعي الملتزم. (على ان لا تكون عائقا للمشاركة)

   * برنامج التنشئة:

      - جمعية : «سعادة السماء» التوعية من اخطار المخدرات والعلاج وشهادات حياة.        

- جمعية «حماية» تحقيق ثقافة جنسية للتمكن من الدفاع عن النفس وتوسيع المدارك الفكرية للحد من الاعتداء الجنسي بواسطة ال facebook.

- جمعيّة: kunhadi:توعية الشباب وتوجيههم  من حوادث السير.

- الصليب الاحمر اللبناني : توعية الشباب للتخفيف من السلوك الخاطىء مع دورات تدريبية، بالاضافة الى health day  مع اختصاصيين  ولقاءات روحية  تثقيفية.

               Rappel- Escalade - Education physique -  Rally paper .   

 �  لمناسبـة «عيد الجيش اللبنـاني»  اول أب، وتكريماً لشهدائنا الابطال ودعماً لهم، تحيي «أخويّـة الحبل بها بلا دنس» هذه المناسبة بالاحتفال بالقداس بحضور ممثل قائد الجيش وكل العسكريين من عبرين وسكانها، الاحد 4 آب 2013، 10.30 صباحاً، في كنيسة مار شربل. يلي القداس قطع قالب الحلوى في صالة الرعية.

الاثنين 22 تموز،«برنـامج الـ 22 من الشهر الى دير مار شربـل - عنـَّايا».

7.30 صباحاً: الانطلاق    -  12.30 ظهراً: العودة.

         * للمشاركة : 

                   جانيـن جرجوره 725066/06- روميـه عبدالله 725372/06- كلير فارس  725001/06– وفـاء كنعان 725402/06- روزات فارس  725752/06-  وداد ضرغام 535289/70.

الثلاثاء 23 تمَّوز

6.00 مساءً، القـدَّاس المسائـي في كنيسة مار يوحنَّا المعمدان.

الاربعاء 24 تموز

12.00 ظهراً، يعود «الفرسان والزنابـق» من مخيمهم الصيفي السنوي في دير راهبات العائلة المقدسة – العاقورا.

الجمعة 26 تمُّوز

7.00 مساءً، الاجتمـاع  الاسبـوعـي لأعضـاء «أخويّة الحُبل بهـا بلا دنس»، في الكنيسة.

السبت 27 تمّوز،«عيد مار بنديـلايمـون».

6.00 مساءً، القـدَّاس المسائـي في كنيسة مار يوحنَّـا المعمـدان.

6.30 مساءً، الاجتمـاع الاسبـوعـي لأعضـاء «أخويّـة طـلائـع العـذراء»، فـي صالة الرعيَّـة .

7.00 مساءً، تماريـن «كـورال الرعيّـة»، في كنيسـة مار شربـل، لتحضيــر قـدّاس الاحـد 10.30 صباحـاً.

7.30 مساءً، تشارك «أخويّة شبيبة العذراء» في لقـاء الشبيبة الابرشي، في ديـر مار يوحنَّا مارون – كفرحـي.

الأحد 28 تمّوز،«الأحـد الحادي عشر بعد العنصرة».

              * القـدّاسـات:

                - في كنيسـة «مار يوحنَّا المعمدان» :     8.00   صباحاً.

                - في كنيسـة «مار شربـل»             :    10.30 صباحاً.

8.00 صباحاً، انطلاق «أخوية طلائع العذراء» الى مخيمهم الصيفي السنوي في «دير أم الله – عجلتون» ويستمر لغاية السبت 3 آب 2013.